የአሐዱ ባንክ አንድ አክሲዮን ዋጋ ብር 500 ሲሆን አንድ ግለሰብ ወይም ድርጅት መግዛት የሚችለው የአክሲዮን መጠን ከ40 ወይም ከብር 20,000 ጀምሮ ሲሆን ከፍተኛው የአክሲዮን መግዢያ ጣሪያ 40,000 ወይም ብር 20,000,000 ነው፡፡ ማንኛውም ባለአክሲዮን በገዛው የአክሲዮን መጠን ላይ የአገልግሎት ክፍያ 5% (አምስት በመቶ) መክፈል ይኖርበታል፡፡

አሐዱ ባንክ በፍጥነት ገበያውን ለመቀላቀል እየሰራ በመሆኑ ክፍያው  ባለአክሲዮኑ በተመዘገበበት ወቅት መፈጸም ይኖርበታል፡፡ ሆኖም ባለአክሲዮኑ በምዝገባ ውቀት ሙሉ ለሙሉ ለመክፈል ካልቻለ ግማሹን በምዝገባ ወቅት በመክፈል ቀሪውን ክፍያ  በሦስት ወር ጊዜ ውስጥ መጠናቀቅ ይኖርበታል፡፡ የአገልግሎት ክፍያ ያለመቆራረጥ ቃል በተገባው የአክሲዮን መጠን ላይ ተሰልቶ በቅድሚያ መከፈል አለበት፡፡

ባለአክሲዮኖች የሚገዙትን የአክሲዮን መጠን አሐዱ ባንክ በተለያዩ ባንኮች በከፈታቸው የዝግና የተንቀሳቃሽ ሂሳቦች ገቢ በማድረግ የባንክ ደረሰኞችን አሐዱ ባንክ ፕሮጀክት ቢሮ ይዞ በመምጣት ዋናውን የአክሲዮን ቅጽ መሙላትና የአሐዱ ባንክን የገቢ ደረሰኞች መውሰድ ይኖርባቸዋል፡፡